مش مهم

1 Star2 Stars3 Stars4 Stars5 Stars (3 votes, average: 5.00 out of 5)
Loading...Loading...

1,408 views

mishmohim

في حديث كتير مهم… بدنا نحكيكي فيه…

امي سألتني… انت مثل ما انا حاسة؟؟؟ قلتلها، هل هالشي مهم؟… قالت لاء مش مهم… قلتلها ايه… قالتلي انت مش بنتي… وطلع  الموضوع كتير مهم….

صاحباتي… سالوني… قلتلن، هل هالشي مهم؟؟؟ قالوا اكيد لاء… قلتلن نعم…
تركوني… ما بدن حدا يشوفن معي… خافوا… وطلع الموضوع اكتر من مهم….

اجت مديرتي… سالتني كمان… قلتلها شو بهم؟ قالت ما بهم… قلتلها نعم… عطتني انذار صرف… وطلع الموضوع كتير مهم….

اجت ستي… ما عرفت كيف تسألني، بس المهم… سالتني… كمان كنت متوقعة انه مثل ما قالت… انه مش مهم… بكيت واستغفرت ربها مية مرة، وصارت تصليلي اني توب… وطلع الموضوع… مهم مهم…

حتي هيدا رفيقي… كنت مفكرة ان هيك موضوع مش مهم بالنسبة اله مثل ما قللي وفهّمني…. بس افترقنا… وهيدا المهم…

جيت عند صديقة عمري… قلتلها بدك خبرك شي كتير مهم… قالتلي بعرف، وما بهم… بحبك مثل ما انت… وهيدا المهم… ما تشغلي بالك، وما تعتلي همّ… مش مهم…

المهم انت… وهيدا المهم…

ايه…المهم انا… وكله ما بهمّ…

Leave a Reply to LZR