The etymology of the word revolution comes from the Latin word revolutio – revolutionis, which means to come back to the starting point,… more »

لمّا محمد البوعزيزي حرق حاله من القهر على الوضع الإجتماعي المأساوي اللّي كان مضطر يعيش فيه، أنا كنت مشغولة عم بستغل فرص العمل اللّي كانت متوفرتلي. كنت عرواق، كل يوم إرجع عالبيت وإقرا عن سيدي بوزيد على تويتر. بس لمّا كنت عم بقرا بخصوص الأسبوع الماضي، انصدمت لمّا عرفت إنّو سليم عمامو معتقل. لمّا الواحد يكون بيعرف وج ضحايا جوع الثورة، بحس فيها أكتر. تعرّفت على سليم من فترة ببيروت، بطبعه الغريب ولهجته الفرنسية وقربه للقلب كتير قدّرته. سليم مش بس بيحكي بالرقابة، سليم بيحكي ببطش الملكية الفكرية وبيدعي للفوضوية الخلاقة. وفوق كل شي، سليم إنسان لطيف وقريب للقلب

اليوم الصبح وعيت، واكتشفت انو أنا فعلا، عنجد يعني وبلا أي مبالغة، كتير كتير شاذة. (ملاحظة: الشذوذ في اللغة العربية يعني “الانفراد عن الجماعة أو مخالفتها – الخروجُ عن القاعدة ومخالفة القياس” بحسب القاموس المحيط).

ليش أنا شاذة؟؟ رح قلكن:

أنا شاذة لأني مش طائفية، وبطالب بالعلمانية بمجتمع بعدو نصو الأول بيخاف من نصو التاني، ونصو التاني ما بيعرف شي عن نصو الأول إلا الخرافات والأساطير المزروعة من قرون بأذهانن بدون أي مبرر أو سبب منطقي، تا تولّعلنا حرب طائفية تحرق الأخضر والأبيض واليابس