بعدني بحبك

بعدني بحبك

بتعرفي انو ولا يوم ما فكرت فيكي؟
بتعرفي انو ولا دقيقة رحتي من راسي؟
بتعرفي انو صرلي اكتر من سنة عم كذب عحالي؟
بتعرفي قدي بعدني مغرومة فيكي؟

بتعرفي انو كل ساعة ودقيقة وثانية بشتقلك؟
بتعرفي انو تمنيت ما شوفك لما جيتي علبنان عشان خفت من حالي؟
بتعرفي قدي كان عبالي امسكلك ايدك بالسيارة لما شفتك؟
بتعرفي قدي كنتي اجمل لما شفتك؟
بتعرفي انو ما قدرت حتى اتطلع بعيونك بس كنا ضاهرين سوا؟
بتعرفي انو اكتشفت انو الواحد ما في يخبي حبو ويتحكم بقلبو؟
بتعرفي انو كل اللي مرقوا بحياتي كانوا مجرد عابرات وكنت دايما فكر فيكي انتي بس كون معن؟
بتعرفي قدي بشع الواحد يضل مغروم بحدا فكر انو بطل مغروم فيه؟
بتعرفي انو ما قدرت انساكي بالمرة ؟
بتعرفي قدي بشع الشغل بلاكي؟
والاكل بلاكي
والدايت بلاكي
وعصير الليمون بلاكي؟
بتعرفي وبتعرفي وبتعرفي؟
ما بتعرفي
بس  يا ريت فيكي تعرفي قدي اشتقلك واشتقت شوفك كل يوم

بقلم زمان