“غرين” والكرة الأرضية

1 Star2 Stars3 Stars4 Stars5 Stars (8 votes, average: 5.00 out of 5)
Loading ... Loading ...

644 views

بتعرفي شو؟ إنت علمتيني كتير. كنت إعتبر حالي حدا كتير قوي، أو بمعنى تاني شخصيتي قوية!

أول ما تعرفت عليكي، كنت مرات بس كون قاعدة هيك وعم بسمع شو عم تحكي، وشو رأيك بموضوع معين، وبعدني لهلق عم بسمعك. بحب إسمع رأيك المختلف واتمعن في أكر وشوف الإختلافات بيني وبينك، بحب اسمعك عم تحكيلي شو عم بصير معك بالجامعة أو مع اصحابك أو بحياتك، بحبك تحكيلي عن اشياء أنا ما بعرفها. ومع الأيام بلشت إتعلم منك قول ، ما بعرف….
كتير حلو كون مفكرة حالي أنا القوية، متل ما البعض هيك بيعتبر، وكون معك غير إنسانة. أكيد بعدني متل ما أنا بس هالقوة عم تكبر وتكبر مع كل حديث معك، حتى لو كان الموضوع عن الاكل أو الرياضة أو الجامعة، السياسة، أهلنا، أصحابنا، أو أي موضوع يمكن غيرنا بيعتبرو كتير سخيف.
في قصص يمكن كنت أول مرة بحكيها مع حدا (هو إنت) وكان هالشي بسببك، أعطيتيني القوة إنو احكي عن أي شي مزعوجة منو أو مبسوطة في، خليتيني حس بالأمان واحكي عن أبشع إشياء صارت بحياتي، خليتيني حس إنو مرتاحة مع حالي ومعك واحكي عن أمنياتي، وسخافاتي وشو ما يخطر عبالي.
إنت التجربة الغريبة، الفريدة، العجيبة من نوعها يللي أنا عم عيشها. إنت الإنسانة يلي بفتخر إنو أنا عرفتها وحبيتها وبعدني بحبها ورح ضل حبها، بفتخر إنو شاركتك قصصي وسمعت قصصك، بفتخر إنو تنازلت شوي عن غروري معك، بفتخر بإختياري يللي غير حياتي!!!
من مدة كنت اسمع جملة: “هيدي غرين وهيدي الكرة الأرضية عم تبرم حولها “. بسببك صارت هالكرة الأرضية عم تبرم حولك إنت، علمتيني عيش عليها معك إنت، زعلت شوي!!! بس الأهم إنو الكرة الأرضية بعدها ملكي لأنك عليها.

بقلم غرين

team

Leave a Reply