“انت “اللوطي

May 30,2010 - by Guest Contributor 4

(3 votes, average: 5.00 out of 5)

Loading ...

767 views

انت يللي بتخاف من شو بيقولوا الناس

انت يللي بتجرب تتطابق مع الدور يللي فرضوا عليك المجتمع

انت يللي بتخاف على “رجوليتك” وبتجرب تبرهنها كل ما سنحت الفرصة

انت يللي بتخاف تفرجي مشاعرك لرفقاتك او للبنت يللي بتحبها

انت يللي ما بتعرف تعبر عن شو بتحس وبتفكر

انت يللي حاصر حالك بتوقعات العالم والمجتمع الشاذ منك (الشاذ بطريقة سلبية مش شاذ متلنا بطريقة ايجابية!)

انا يللي واقف بوجك، وبوج رفقاتك او يللي بيسمو حالن رفقاتك

انا يللي بسمع حكيك الحلو كل ما امرق من حدك

انا يللي عم يتحدى مفهوم الرجولية بمجتمعك

انا يللي معرض انشحط من بيتي مقابل انو عيش يللي بحسو

انا يللي قضيت ليالي بالشارع لما بيي عرف وما خلاني فوت عالبيت

انا يللي بنشحط من شغلي وبخسر رفقاتي وبفوت ع الحبس وبنعدم لأن بتصرف بحرية

مش مستحي بالكلمة. هيدا الكلام معناتو اني بحب الشباب متل ما انت بتحب البنات، ويمكن بطريقة أحلى وبرجولية اكبر… وبالتالي، حسب مفهومك انت للكلمة: انت اللوطي، مش أنا.

- بقلم “GuyGuy”