Masna3 l 3elab
(3 votes, average: 5.00 out of 5)
Loading ...
3elab. Ktir mahdoumin l 3elab. La hdiye maslan, mahdoume l fekra, ma3 l ribbon wel card, aw masalan, 3elbit chocolate min haydol l biheboun albik , orgasmic, w khalas la shu sex!
Ktir bheb l 3elab, w ba3edne, lal ishya. Bass hala2 ekhda maw2af menoun. Balasho yeze3joune, bta3erfo 3an shu 3am be7ke, 3elab l 3alam. Khasatan 3elab l nise2.
Moujtama3na l moutamaden al ghayer madni Abadan, akbar masna3 lal 3elab, w kel hadan feti7 sherke 3a hsebo.
Khle2et benet, men awal ma khle2et hatoune b3elbe, sar lezim elbos l skarbine w mashit sha3rate w ntebho, l sha3rat l lis, w elbos “metel l banet” w “hafiz 3ala 7alle” ktir bida7ekne hayda l te3bir, la wahdo mawed hafza, w dal benet, w 3ayb iza soret mar2a abel l zawej, ya lal 3ar. W iza kenet gheyr heyk, 3ayb!
barke khawafet l mojtama3, iza ma le2ele 3elbe? ? ??
Be3etezir khle2et 3ende ras, yemken ghalta men l sherke!
Bi lebnen, w ktir belden, ana 3elbit lahme. Mish daroure bi bayte, bass, lahza yalle bodhar fiya 3al tari2 ta emshe, faj2a bibalish masna3 l 3elab yeshteghil, w ana faj2a bit7awal la sha2fe kbire men l lahme, w mish bass heyk, bisir jesme melkiye 3amme, w min ma bado fi yef2a3ne latshe, aw masalan yod2arne, aw ya3tine haydol l nazarat yalle bikhalo kel wehde menna te2raf men hala la ysir 3omra alef senne. 3a sirit l alef senne, oste w ostik hal2ad 3omra, sarla men alef senne 3elab lahme bi hayda l masna3, dabahoulna horiyetna, safounla dametna w iste2lelyetna w nashafo fina kel shi byetmarad, na2a3ouna bi kel anwe3 l zaneb w el ta2alid l marida w ekher shi 3alabouna w 3aradouna 3al wejhit, bass adrab shi 3emlou, howeh khalouna nsadi2 inno nehna 3elab lahme, wel adrab menno inno fi kam wehde menna lebso l dor w mbasato fi, e3din bi 3elaboun w natrin l bay3a.
Ana mish wehde menoun, emme, ra2ya enno lal asaf, ref2ate l m3alabin ma byefhamo laish, bifakro enno helwin l “hdoud” hdoud l 3elbe, wel moujtama3, mish 3am bila7e2le te3lib. Kefra, 3ehra, shezze, majnoune, masrou3a, mzantara, mfa7le, mrajle, feltene! W ghayra, yemken iza hadan arra hayda l shi rah y2oul, we27a. ktir. Shefto, 3elab. Ba3edne dod fekrit l 3elab, bass bta3erfo, ma 3ende meshklit 3elbit l 3ohor, la2ano iza ana 3ehra bi heyk mojtama3, w feltene w we27a w mfa7le, ya3ne ana mish bass natet 3an roufouf l 3ared, daharet men l masna3,bass kamen kasaret l 3elbe, w kasarta 3a rasoun. Bi heyk mojtama3 mou3ak, ana eblene.
Contributed by Crimson
Leave a Reply