شاب جميل + آنسة مثقفة = عائلة سعيدة

1 Star2 Stars3 Stars4 Stars5 Stars (5 votes, average: 4.60 out of 5)
Loading...

1,400 views

واضح انو هالاعلان منو زواج مصلحة. واضح انو مبني على الحب والاحترام والتفاهم والانسجام والاتفاق والانصهار والاندماج والاهتمام
والرقة والاحساس والصدق. واضح انو “الشاب المسيحي الجميل والأنيق” عم يفتش ع الحب الحقيقي الموجود بالشقة. واضح انو بدو وحدة تحبو ويحبها ويأسسوا سوا عيلة حلوة، ولهالسبب ما بيفرق معو العمر، المهم يكون عندها بيت.


وواضح، انو “الآنسة المثقفة يللي عم تطلب عريس أورثوذوكسي مؤمن، مش فارقة معها الا أخلاقو، والبيت الملك بالأشرفية بيصير من الكماليات. هلق هي صحيح بدها ياه “ميسور” بش مش قصدها عن المصاري، قصدها ميسور عاطفيا.

يا هيك الزواج يا بلا. هيدا الزواج يللي بأسس مجتمع متماسك وقوي وسليم، مش “الزواج الشاذ”. وبعدهن الشاذين بكل عين وقحة بطالبوا بحقوقهن وبطالبوا انهن يتزوجوا متلن متل الناس الطبيعيين. وبدهن الشواذ يقنعونا انو المهم يكون الحب موجود والتفاهم حاضر تا تكون العيلة ناجحة.

انو حكوا منطق، معقول بنتين بيحبو بعضهم ، وبيموتو ببعضن، ومتفاهمين وجاهزين يأسسوا عيلة، انو طبيعي يتزوجوا؟ ما هيدا شي شاذ. شوية منطق!

انو حكوا منطق. هلق اذا زوجنا “الشاب الجميل الأنيق المسيحي” لل”آنسة المثقفة والوحيدة” بيطلع عنا عيلة عم تنقط ثقافة وتشرشر ذكا، وطايفة بالحب البعيد عن الطائفية، وعم تفيض جمال وأناقة. وبعيشوا سوا بالأشرفية مبسوطين سعيدين مسرورين.

هيك الله بيريد وهيك الطبيعة بتريد وهيك المجتمع بيريد. قال زواج شاذ قال!


Aphrodite likes to drive fast. Real fast. Whether behind the wheel, behind her computer, or behind a plate of a double cheeseburger, fries, and a side order of pasta salad, Aphrodite is moving 100km a minute. A journalist by training and a poet by passion, Aphrodite does not believe in suntan lotion, aspirin, or dishonesty. But she does believe in Bekhsoos. Very much.

Leave a Reply