Bebe

Bebe ، هيك كان اسمك على التلفون… كنت البيبي تبعي، اليوم بطّلت إلي، بقدرش أسميك البيبي تبعها أو تبعه، فسميتك Tamir. إنت شاب درزي من شفعمر، بعدين حسيت أنو مش لازم أعطيك كثير أهمية، فكتبت اسمك بلـEnglish مع اسم عيلتك… عفكرا، اسمك كثير حلو؛ قلتلك مرة إنّو كثير جذبني. حبيبتي… كنت… وبعدك. بقولوا “البعد جفا”، طب ليه مش لابق هذا المثل عليّ؟ ليه بعدني بحس بحبك مع إنك جننتيني وتركتيني؟ كنت قلّك وتقليلي حبي إلك مش طبيعي، ايش كان هو بالزبط؟ لعبة؟ هيك أكدتيلي لما يلّي بديش اذكر اسمها رجعتيها علفيسبوك. لما وصلتيني لآخر الطريق ٣ سنين وإسا بدّك إياني إرجع لاقي حالي؟! عقب معرفت إيش بدّي. أنا إسّا متحيرة بس مش متغيرة أو متحيزة لوحدة ثانية. شو كنت حبك لما تضحكي، وتضحكيني لما تقليلي بحبك أو “بحبك قد أمواج البحر، أمواج البحر بتخلصش” ما أخرطك T، هه، ولا قد موجه صغيره حتى. اشتقت لما كنا نقعد في  Café Café اشتقت تيجي لعندي وخبيك بالأوضة. هه. بس معك هاي الأشياء. بعرف صرت بعيدة ويمكن حب جديد ويمكن علاقة جديدة، كلّو معقول. بس بتعرفي قديه ناضلت عشانك؟ عشان كون معك؟ وك إنت بتعرفي شو كنت حس لما يجي يوم الخميس؟ من الـ٧ بفتح عيني متحمسة أني شوفك. وإنت إنت زي يوم الأربعاء فش أنشف منك. بتعرفي مش هالقد حابي رجّعلك غراضك بس بصراحه كل إشي بخصّك حطيته بكيس من أواعي نظارات شمس ومكاتيب وصور… كل إشي. خلص قهرتيني. قرب عيد العشاق طب مين بيستحق وردة وبوسة غيرك؟ هيك هويِّن عليكي تبدي أصحابك عني؟ تحبي هذا الهبل أكثر مني؟ طب أنا مش هبلة بس يمكن لأني بحبك، بعترفلك أني كنت متضايقة دايماً وإحنا مع بعض لأنك مرجّعتليش إيش أنا عطيتك. متذكّرة في ١.١ كنت تبكي وبستيني من صباحي وقلتيلي بدك نسكن مع بعض إسا تعالي، حسيت الإشي هالقد حقيقي… حرام ما اسكني ، كل أصحابك قالولي إبعد عنك، ليه هن شايفين إشي أنا مش شايفته؟! هن شفقانين عليّ عشان بحبك كثير ولاّ غيرانين منا، بطّلت أعرف. هاي الفتره كنت متضايقة مش لأنا مش مع بعض لأني كنت مرتاحة من غيرك بس بديش! كنت إحكي لصحابي ولخواتي أني متضايقة كيف مبسوطه وعمضحك وإنت مش بحياتي، كان بينفع تكوني وبينفع كون مبسوطة كمان. الإشي كله بيتعلق بالحب. طب أنا بحبك؟ إنت بتحبيني؟ إيش إحنا كنا؟ بتعرفي إنك قتلتيني؟ إنك دمرتيني؟ بتعرفي إنك إنت يلّي دمرت الحب بينا؟ جرّبت جدّد الحب كل مرة إسقيه ويرجع يذبل. ولك كان بدّي عيش معك كنت شايفه سييل بنتنا، بينفعش إسا تسميها هاذا اسمك واسمي. وجعتيني T بس قوّتيني، وشجّعتيني. بصراحه، أنا بحبّك، ولما قلت إنك جربتي ٣ سنين تصلّحي بحب قلك إنك مجربتيش، لو عبطيني مرة وحده وأنا متضايقة 
لو اتصلتي فيّ مرة واحدة قبل متنامي 
لو حكيتي معي قبل متحكي عالفيسبوك
لو إجيتي شوفتيني قبل ما تطلعي مع أصحابك
لو بستيني لما كنت إستنّا تقرّبي عليّ
لو كتبتيلي رسالة واحدة قبل متنامي وبس تفيقي 
كلو لو لو لو… لو ولا وعدتي إنك تحبيني للأبد لو ولا وعدتي إنك مش راح تستغني عني
لو كنت إلي مرة واحدة كان الإشي بيتغيّر  
لو لو لو لو لو 
آخر بوسة حلوه كانت يوم عيدك فتسيمر حسيت أني بحبك حسيت أني بدي بعد وبعد وحسيت أنك قتلتي الحب، مثل ما قالوا كنت مرتاحة معي، لأني منيحة معك. تذكّري، طلبتِ إشي ومجبتلكيش إياه؟ وغير الشراويل، بصراحه بستحي إنزل عالبلد إشتري شروال.

 كنت ناديلك مرتي، كنت حب وجهك؛ وجهك حلو وجسمك يما جسمك كل إشي فيك كان يجذبني
وإنت إنت بعدك عمتستني القمر
بس قبل ما تروحي رجّعيلي روحي
حبيبي حبيبي حبيبي  

بقلم Li