ليش نحنا هيك؟
(2 votes, average: 5.00 out of 5)
Loading ...
بالعادة بكتب بالرصاص، بس اليوم بدي اكتب بالحبر لأن كل ما يكبر الإنسان، بيتعلم إنو في اشيا ما بتنمحى متل الرصاص .
رح لخصّ المقدمات لأنو ما بحبها! بتعصبني!
بدّي أعرف شو في براسك . بشو عم تفكري؟
شو هوي هيدا الشي اللي بدك تقوليه بس خايفة؟
و أنا خايفة يكون إحساسي غلط!
ما عندك أدنى فكرة شو بصير فيني لما تقوليلي إنو أنا الهوا اللي بتتنفسيه.
و إنو أنا السبب اللي مصبّرك على هالحياة، و إنو مشاني بعدك عايشة!
ما بتعرفي قديش بفرح لما تحكيلي إنك رح تتحدي كل الناس لو شو ما حكيولك عني و ما رح تتركيني! قلبي بنطّ دقة لما تقوليلي بعشقك.
لما تبلشي تحكي عن حياتك المستقبلية وكيف بدك نعيش سوا، بحس إنو إنت الإنسانة اللي خلقت عشانها.
إنو ما بتلاحظي كيف بكون لما كون معك، أو لمّا بتجي لعندي بالسرقة لأنو إمك ما بتخليكي؟!
بس هيدا الشعور الحلو اللي بخليني انسى الدنيا بعيونك، بيختفي فجأة لما تقوليلي إنو أنا متل إختك! بتقتليني!
يمكن ما بتجرأ خبرك كل هالشي بس بليز فينا حاج نكذب ع بعض!
Leave a Reply