“الحمل” ينهار على نفسه

1,015 views

“الحمل” ينهار على نفسه

غرين وعلاء الدين اجتمعوا سوا وقرروا يحكوا عن تجربتهم كشخصين من برج الحمل.

أول سؤال بينسأل عادةً بالمجتمع الميمي هو “شو برجك؟”.

وقت يعرفوا إنو حضرتك من برج الحمل، هون بتضرب الصاعقة “حمل!! ” مع ضربة بوز.

 بس للأسف غرين وعلاء الدين يلي أسمائهم مع بعض لابقين، برجهن بكل فخر وإعتزاز وراس مرفوع هو “الحمل”.

وتا نعزز غرورنا المتصاعد بأنفسنا، بسبب المهاجمة غير الشخصية لل”عنصر الحملي” فينا، قررنا إنو نكتب هالمقال.

أول إكتشاف لشخصيتنا سوا، بما انو هيدي أول محاولة لكتابة مقال مشترك بيناتنا، هو إنو منحب “نقطة سطر جديد”.

أوكي خلينا نكون شوي جديين،  والجدية تبعيتنا خلت غرين يطلع خلقها من “yamli” لأن معروف عن أصحاب هذا البرج الناري العظيم إنو عصبيين.

وحتى نعرفكن على برجنا أكتر، بليز ضلوا متابعين الحديث يلي رح يصير بيناتنا.

-علاء الدين : ما بحب إعترف بالفشل لأن نحنا ما منفشل.

-غرين : ما بحب الاستبداد لأن نحنا مستبدين 

-علاء الدين: بطل القضايا والمقاومة (كتير حاسس حالي طرف جبهة)

-غرين: من أكثر الأبراج دفاعاً عن أطفاله (سامعة يا سكون الليل)

-علاء الدين: نحنا خلقنا للقيادة ما فينا نكون تابعين لحدا 

-غرين: ما مننسى أي حدة يؤذينا

علاء الدين : الإرضاء الجسدي يأتي أولاً 

-غرين: ايه معك حق

-غرين: نحنا كتير حساسين ودمعتنا سخية 

-علاء الدين : ما منستعمل أساليب عوجة لنوصل لهدفنا 

-غرين: نحنا كتير بعصة يعني متل الأربعا بنص الجمعة

-علاء الدين : نحنا مثاليين بالحب، وبحاجة لحدا صبور ومميز 

-غرين: بتعرف علاء إنو عنا شي كمان مشترك 

علاء الدين : شو هوي؟

-غرين: الشطب اللي حد عيني وعينك 

-علاء الدين : غرين بتعرفي انك اخت الرجال ؟

-غرين: أنا الرجال مش اخته 

-علاء الدين : أخو منيوكي جوابك 

-غرين: علاء ليه بتلعب باجريك 

-علاء : ما أنا برج الحمل أكيد لازم إلعب باصابيع إجري 

-غرين:فيي الَك شيييييييي (مجدي ستايل ).

علاء: شووووووو (وجدي ستايل ) 

-غرين: نحنا منعمل المستحيل لنحقق يللي بدنا إياه 

علاء الدين : طب وين ياسمين يا غرين ؟

-غرين : عم تقرأ عن أدولف هتلر تا تعرف عن شخصية هالبرج أكتر.

وإنتو يا أصحاب وصاحبات غير أبراج، قد ما ممكن تنفروا من العنصر الحملي فينا، راح نضل وراكن وراكن والحمل عظيم.

وشكرا

غرين وعلاء الدين

Tags: aladin, aries, Crazy, green, myths