جنى
(3 votes, average: 5.00 out of 5)
Loading ...
عنجد أنا بشجعا على كل شي، لأن بشوف حالي فيها، بشوف الثورة يلي صنعتها بمساعدة البابا، خلاني كون عنيدة كتير، وجنى هيك!
جنى دلوعة ابوها كمان، بتظهر معو، بتروح معو على الشغل، وصار عندها بدلة وكرافات متلو.
جنى ما ضروري تحكي عن الثورة يلي هي عم تفكر فيها، لأن يلي مثلها بيفهما.
ثورة جنى بلشت بعمر صغير: شعر قصير، عطول لازم نلبس شورت وتيشرت، عم نلعب ورق أو فوتبول أو بيسيكلات مع الصبيان، عم تحكي عن السيارات والكمبيوتر والموتوسيكل!
ثورة جنى هي ضد التنورة والفستان والشعر الطويل ولعبة الباربي، لدرجة صارو أهلا عم يحلمو يشوفو بنتن عم تهتم بهالشي…
أنا مع جنى وهالثورة دايماً، أنا عطول عم شجعها لتعمل يلّي بتحبه، يمكن كمان هيك أنا بكمل هالثورة يلي نقمعت شوي كل ما كنت عم بكبر.
ثورة جنى يوم بعد يوم عم تتطور لدرجة إنو صارت تسألني إذا فيها بس تكبر تصير صبي لأن ما بدا تكون بنت!
هلأ هي بتعرف كل شي عن الموضوع، شرحتلها كل شي وأهلها قاعدين عم يتسمعو، لأن عارفين إنو أي شي بدها تعرف عنو أو تعملو بتجي لعندي، عند عمتها يلي ما بتردلها طلب.
مع جنى عم تكون الثورة أحلى، ثورة إلا معنى، ثورة مجنونة…
ثورة مجنونة خلت جنى تسألني: فيي بس إكبر صير متلك ونعيش سوا ببيت واحد…
- بقلم Sa7bet SuQun
Leave a Reply