رجعت

كنا كتير مقربين نحنا وصغار

يعني فينا نقول تحرشت فيي…

انغرمت فيها ،حبيت كل شي معها

ضلت معي 3 سنين

3 سنين كل يوم وجّي احمر

3 سنين وامي تسألني لي وجّك احمر

قلا كنت مشوبة ( حتى لو بعزّ البرد)

ما كنت شايفة الا هيّ…وبس

تركتني

ضعت، جنّيت،

هربت من بعدا عند كتير رجال وكنت قانعة حالي اني ما بحب البنات… بس الغريب انو ما كنت انعجب الا بالبنات، ما اتطلع الا بالبنات، شو لابسين، اذا حلوين، واذا شي وحدي سكسي كنت عم حس بشي.

مرق شي سبع سنين على علاقتي فيا وهلق انا مع شاب، بس كتير عم تزيد نظراتي على البنات… عم حس بشي فظيع بس شوف بنت

شجعني صاحبي على انو اتصل فيها، هي اللي كانت اول حب بحياتي، وشوفها

كان نهار سبت. فتشت عليا ، جبت رقمها واتصلت فيها.

سمعت صوتها، وحكينا وكأنها كانت ناطرتني…

واتفقنا نلتقي الاحد،

الاحد فقت الصبح بكير ونطرتها

لما شفتها حسيت بشي غريب،  غريب كتير

حكينا كتير وبالاخر نمنا سوا وطرنا

كان شي كتير رهيب

لما خلصنا ونامت بحضني

حسيت احساس مش طبيعي لما صرت العب بشعرها

من وقتها عرفت قديش حلوي انو كون حالي…”بيسيكشويل” ويمكن ليزبيان…

- بقلم Candelabra