أنا ما عندي مشكلة

351 views

لا لا أنا مش هوموفوبيّة، يعني عن جد ما عندي مشكلة، ما بتفرق معي، ما بهمني، عندي كتير اصحاب هيك… بس انه يعني، انه… انه… بصير نوع من أنواع الحديث اللي بيبتدي بنفي الصفة المذكورة اعلاه وبينتهي بنتيجة انت بتصير تمجّد الخالق لاكتشافها، انه سبحان الخالق يا الله كيف في ناس بيخلقوا معهن دوكتوراه هوموفوبيا، هيك خلقة.
مش بقصدهن بكون، غصب عنهن، وبكونوا عم يعملوا كل جهدهن لينفوا ويغيروا هالشي الموجود بمخّهن ونفسيتهن، بس مش عم تزبط معهن! إنه قليلة؟ دكتوراه هوموفوبيا، شو بيعملوا فيها؟ بكبّوها؟ اكيد لأ، بصيروا بلفوا وبدوروا وبيرجعولها.
هلق انت اذا حاولت تسمع كلامهن وتتطلع فيهن هني وعم يحكوا، صوتهن بقلك شي عكس حكيهن، وتعابير وجّهن، يا لطيف يعني ع شوي انت رح تخاف عليهن، رح تقوم تنسى حالك والدني، وتروح تفتشلك ع شي حامضة تعصرلهن ياها قبل ما يغيبوا عن الوعي (هيدا غير الوعي اللي المفروض يكون موجود اصلاً وغايبين عنه من زمان) وبينشغل بالك عليهن اكتر ما هني مشغول بالهن بهالموضوع…
وبينتهي حديثن بديباجة نحنا كتير منفتحين، منتقبّل غيرنا، منتقبّل اختلاف الاخر عنّا.
يعني انا من جهتي، بحب اتقبّل التعازي بهيك قبول…

- بقلم “ما حدا”

Tags: Arabic عربي, Homophobia, lies