7ello 3an Sharafe, Bisharafkon!
(2 votes, average: 5.00 out of 5)
Loading ...
Tayeb, iza inta akhdar hiyeh banafsaje w ana saphastake, weyn l mashkal.
Bel ekher kelna alwen. Ma heyk!
Ma 3am befham, ken daroure 7awa tekol l tefe7a! Tab min ija abel, el walad yalle akel el tefe7a bi saf el qawa3ed aw 7awa?
El mouhem. Sma3o malla khabirye!
Al shu bass la2ano ana benet bheb benet jeyin yetfalsafo 3a rabbe. Bi sharafoun hala2, y7ello 3an sharafe. Ka2ano 7adan ello ma3 my “pounani” iza 3abelo “pounani” aw “zizi”.
E3de 3am fakir lyom, inno nehna w hal nidal, mnou3a kel yom mensem badanna w nesyin inno adeish sakhif el mawdou3 li 3am net3ab kermelo w adeish kbir el qame3 yalle 3am bijarrbo yofordou 3leyna men wara. W adeish nidalna kbir 3a ishya mafroud tkoun “a given”.
Inno 7lefo bi alla hala2, el mojtama3 shu ello ma3 albe w tawajouheto, aw 3a2le w sha3teto aw ana shu jeye 3abele w shu mish jeye 3abele.
Inno ta ne7sob el ossa metel zo2 bel akel, 3alam bit7eb el hamburger, w 3alam bet7eb el mjadara, w 3alam bet7eb el tnen, w 3alam bitkoun hiyeh hamburger bass joweta fi mjadara wel 3akes, w 3alam bitkoun bi basata pasta, inno hayda el ba3ed na2esna, bel Qaren el 21 yeje hadan yna2eh 3anne ana shu bade ekol, w shu bade 7eb, w shu yeje 3abele.
Ka2ano jaretkoun yalle kel yom btesheb2ik wehdit ne2sha3lik 3aris, labsa 3endkoun kel el nhar la2ano jawza yalle bel beit manzar w 7ayeta el jinsiye bi awajj 7eleta, wel adrab inno khalas hiyeh t3atarit, majboura tdal tne2 3a ahletik ta ekher shi hene y3asbo menik w ma ya3erfo leish.
Aw khalit 3amit benet 3amit jed eben 3amit bayik yalle btenzal marra bel sene men l jered 3ala Beirut ta tef2a3ik nazariyet ino be 3omrik ken 3ende 3orr wled, ya hayete shu hal lize ya3ne, 3al 20 3endik 3orr wled, w kes ekhta ma terja3 hayetik, la2 majboura ton2obre w tfa2se wel adrab ino wala wehde menoun mabsouta bhayeta, wleda tal3in el mish marid baynetoun 3endo fo2 l alef 3e2de diniye, tarbawiye, zaneb, kabet, wa haloma jarra……
Bass la2 el qommeh btousal inno el tante el class yalle neyke ekhet el jem3at, mish terke PHD bi jaybeta, kenit ma3 khaltik maslan bel jem3a yalle lta2it faj2a bi imik 3am ya3melo “shopping” bitkhabir imik inno walaw bentik sar 3omra 20 w ma tjawazit, ana bente 3al 18 taba2etoun men hon w ana taba2tela honik milliardere 3omro 30 sene masare faw2o w tahto w hala2 ra7 t3ish mabsouta kel hayeta, w 7zare shu, badal el afas el zahabe, jabla afas olmaz.
W hon b7eb fasir leish ahlik faj2a bteftol ma3oun, bisiro ba3ed ma keno mabsoutin bi farshoukhit ijrayke inte w sghire, w ya3ytoulik abu ali aw hasan sabe, saro faj2a badoun ye2elboulik 3al tanoura, ba3ed snin men asit el spiky mounzou el toufoula saro badun bekal rose bsha3ratik w tanoura foushya.
W ekher shi w adrab shi hiyeh lama bitsire, ba3ed 20 sene men lebes el converse wel docs wel sportshoes todtare faj2a te2elbe 3al ka3eb, w tet3arafe 3ala 3elbe sghire fiya ishya bitbarbi2 isma make up, w ishya bitlazi2 isma “rouge a levre”.
Maskhara walla, bass ma 3am bitmaskhar, 3am fakir, inno nehna kel yom mnou3a menseb eyem ahelna la kel wase2il el qame3 yalle 3am bimersouwa 3layna, w nesyin ino henne aktar mena maqmou3in men mojtama3 biheb yetfalsaf 3a tizna w tizon.
W ekherta falsafe hala2 el mouhem ekhere l leil, ino b7es ana law minshil daghet el mojtama3 wel din w mne23od ne7na w ahelna bidoun jaretna w arayebna w moujtama3na el ahbal, ken kel shi rawa2 w ma 7ada elo ma3 7ada.
Fa men el ekher, risele sghire lal mojtama3 yalle kel yom bi2oum 3laye w b2a3do J ma elkon ma tize shi, wala ma3 jasade wala ma3 ref2ate walla ma3 yalle metle w gheyr 3ane.
Law bass bi7awlo kel hal ta2a el salbiye ta yestasemrouwa bi thawra sha3biye bitkhale hal balad yet7awal la matra7 byen3ash fi bidoun ma tensa7ab le2mit el akel kel yom min me3le2na, kenet bel alile be3terif inno fi mojtama3 mawjoud lezem e7termo, bass el shi el wa7id el mawjoud howeh in3idem el moukhoukh wa shokran.
- Contributed by Crimson
Leave a Reply