ميس”… من أول وجديد”
(10 votes, average: 5.00 out of 5)
Loading ...
عجبتني ريحة الصيف المبكرة شوي، واللي عادةً بتنشط فيها محركات خيالي، فبترجع بتطلعلي ميس من أول وجديد.
ميس بتحب البحر، بتحب الشط. لمن بتمشي حافية على الرمل، بتحس منيح، بتحس حلو.
ميس بتحب البيكيني، ميس كتير بتحب جسمها. بتحب انو الكل بيحب جسمها..(وأنا كمان بحبو).
ميس بتحب تدخن، بتحب السيجار بالأخص.
ميس بتحب ترقص. بتعرف ترقص سالسا، تانجو و”شوية” باليه ع رأيها. بتتحرك بخفة، بترقص وبترقّص القلوب معها.
ميس بتحب ترسم. ولمن بترسم، بتخلّيش لون يعتب عليها. ميس مش هلقد صوتها حلو، بس بحب اسمعها تغني وهي حدي بالسيارة.
ميس شاطرة بالفيزياء، بس بتّيّس بالبيولوجيا. بحب لمن بتستصعب بتيجي بتعبطني وبتقول لي : “save me you dork”
بحب ضحكة ميس. بتقول لي بتضحكش الا لمن تكون معي. بحب هالاشي.
ميس بتحكي والكل بيسمعها، ميس بتمشي والكل بيلحقها. لمن بتروح على “نايت كلَبز” بتقعد بتشرب وبتدخن، وبتحب ترفض طلبات الرقص.
ميس بتمسكلي ايدي بعفوية وبتقول لي بدها البحر…وأنا..أنا يا ريتني البحر…
ميس مجننيتني، وأنا مش مجننيتها…
الاشي المش عم بحبو بميس، انها كتير بتحب الشباب… وأنا…أنا كتييير بحب ميس.
تيا – أصوات
Leave a Reply