يا بنات الميم
(1 votes, average: 1.00 out of 5)
Loading ...
يا بنات الميم… اي هاف ايه دريم…
دريم قديم يا بنات الميم…
ما فيني مثلاً ولّع شمعة، بدون ما ولّع حياتي والدني من حولي، لشارك المثليين والمثليات بالجزائر احتفالن؟؟؟
يمكن يكون فيني، بس ما فيني… ومن هلق لوقتها منه اكتر من “دريم”…
ما فيني مثلاً احكي عن حالي وحقيقتي واعمل علاقات صحيّة مع كل الناس دون ما اقعد ساعة برّر وفسّر ووضح؟؟؟ وع شوي اعتذر كمان؟؟؟؟
هلق فيني… بس هلق بهاللحظة، ما فيني… ومن هلق لوقتها… اتس جاست ايه دريم…
ما فيني مثلاً اختار شو بدي كون او شو مــــا كون، او كون شو ما كون، دون ما كون عم بعمل ضرب جنون؟؟؟
فيني اكيد… بس يعني، بهيك حالة ما في شي مضمون… ودريم يا محزون
ما فيني مثلاً، قول انا هيك، بدون ما يكون في انتهاك لحياتي… وصير بدي شكل جبهة دفاع لواجه التعليقات والاحكام، وفوت بقصص وخبريات مع اهل البيت واللي برات البيت؟
فيني… بس هلق يمكن اذا بعمل هيك… يمكن صير برّات البيت…
ف يا ولاد الميم… فور ناو، اتس جاست اي دريم…
ما فيني مثلا كون بمطرح يكون في قانون بيحميني مش بهددني بيتئذيني؟؟؟؟
فيني اكيد… بس وين؟؟؟ اكيد مش هون، ومن هون لهون… خلينا بالدريم…
ما فيني مثلاً كون بمحل… ما بشكل فيه عامل “خوف” وخطر ع حدا لاني مثلي مثلكن، بس مش مثلن… اكيد فيني، بس لاتقبل نظراتن ما بقى فيني…
ما فيني مثلاً حب وعيش كل جوانب انسانيتي بحرية؟ هلق تحب اكيد فيني… بس بكل انسانية وحرية؟؟؟ شو رأيكن بهالدريم يا بنات الميم؟؟ شي عظيم…
يا بنات الميم اي هاف ايه دريم تو ستوب دريمينغ… ما بقى بدي احلم، لانه بدي كون حققت بشو عم بحلم… وانازير دريم وباي دي واي كمان… مش غلط لو كان مكان هالدريم لبنان…
وشو عليه؟ وشو فيها يعني…شو سمك ولبن هي؟؟؟
Leave a Reply